Spila
)Spila
)
Skapadægur neyslusamfélagsins.
Verðbólga og gerræði.
Spádómar Nostradamusar rætast.
Ráðamenn og stjórnendur framleiða
eftirlíkingar og fræðimenn gera
áætlanir sem eru gjörsneyddar ráðvísi.
Gnægtahornið verður fyrir barðinu
á þeim og ofbeldi kemur í stað friðar.
Nauðungaruppboð og vaxandi
vantrú á getu stjórnmálamanna.
Þau munu kvarta undan eignamissi
og barma sér yfir því að hafa kosið
[ráðamenn] sem gera mistök æ ofan í æ.
Fáir vilja fylgja þeim lengur að málum
né láta síbylju þeirra draga sig á tálar.
Efnahagskreppa.
Hrun verðbréfamarkaðarins
Táknmynd gulls og silfurs verður fórnarlamb
verðbólgu. Þegar velmegun líður
undir lok verður henni kastað í eldinn
í bræði, uppurinni og truflaðri vegna
ríkisskulda. Verðbréfin verða að engu.
Samsöfnun auðs á fárra hendur
og vaxandi þörf fyrir lánsfé
Mikil lánsviðskipti og gnótt gulls og silfurs
afvegaleiða þá sem þyrstir í upphefð.
Misgjörðir hinna ágjörnu koma í ljós
og verða þeim til stórfelldrar skammar.
Almenningur jafnar reikninginn
við vestrænar bankastofnanir.
Musterin, þar sem Vesturlandabúar geyma
fjársjóði sína á leyndum stöðum, verða brotin
upp af hungruðum [lýðnum] sem endurheimtir
auðæfin og vinnur ótrúleg spellvirki.
Meðal þeirra verða hræðilegar óspektir.
Þverrandi trú á stjórnmálamönnum vegna verðbólgu. Glundroði í París
Yfirvöld verða fyrirlitin vegna
gengisfellingar og fólk gerir uppreisn
gegn valdhöfunum. Friður verður boðaður,
helgispjöll framin. Aldrei hefur
París verið í jafnsárri óreiðu.
Efnahagslegt öngþveiti leiðir til styrjaldar.
Beiting kjarnorkuvopna.
Vegna dýrtíðar munu menn fella tár.
Holdi manna verður breytt í ösku.
Hinir kristnu munu valda Egyptum mæðu.
Síðan birtist vofa [stríðsins] í Grikklandi.
Fjármálakreppa. Stríð á Vesturlöndum
Þegar efnahag hnignar verða miklar
hörmungar í vestri og á Ítalíu.
Stríð, bágindi og ánauð hrjá páfastól.
Tími gripdeilda eyðir Mónakó.
Efnahagskreppa og almennur skortur
Þegar vöntun verður á tveimur málmum,
sem á sér stað á milli apríl og mars,
verður óskaplegur skortur!
Tveir velgjörðarmenn munu hins vegar
veita liðveislu á sjó og landi.
Hörmungartímar renna upp.
Ringulreið í Frakklandi og á Ítalíu
Ó, Guð, hvílíkar breytingar munu herstjórnendur
valda áður en ljósið og gullöldin heldur innreið sína!
Hörmungartímar renna upp eftir langvinna öld.
Fárlegt öngþveiti verður í Frakklandi og á Ítalíu.
Afvopnunarviðræður stórveldanna
Margir munu ræða um frið milli
leiðtoga mjög voldugra ríkja, en ekkert
samkomulag verður gert í þá veru , því
þeir reynast engu vitrari en aðrir.
Samningar um vígbúnað og
undirbúningur undir nýtt stríð
Þeir búa sig undir að undirrita friðarsamninga
með annarri hendi og heyja stríð með hinni.
Aldrei áður hefur verið lagt jafnmikið kapp
á þetta tvennt. Karlar og konur syrgja. Blóð
saklausra litar jörðina, einkum franska grund.
Fráfall háttsetts ráðamanns
færir yngri manni völdin
Skyndilegt fráfall háttsetts ráðamanns
veldur breytingum og færir brátt öðrum
völdin. Langt er síðan svo ungur maður
gegndi þessu volduga embætti. Ástæða verður
Friðarsáttmálar rofnir
Þeir taka ekkert tillit til ákvæða
friðarsamninganna. Fulltrúar ríkjanna
munu sitja á svikráðum. Á láði og legi
verða friðarsáttmálar gerðir.
Friðarsamningar vanvirtir.
Sundurlyndi meðal Frakka
Friðarsamningarnir verða að öllu leyti
rofnir. Samvinna bandalagsþjóða spillist
vegna sundurlyndis. Gamalt hatur
mun eyða öllu trausti og von.
Það verður ekki eindrægni í Marseille.
Egyptar efna til ófriðar við vinátturíki Rússlands. Hryðjuverk í Þýskalandi
Öll heimsbyggðin verður agndofa
þegar Egyptar ráðast óvænt til atlögu
gegn bandalagsríki blóðsugunnar.
Skömmu síðar verður gerð níðingsleg árás
í Þýskalandi.
Friður á Vesturlöndum undanfari stórstyrjaldar
Kristnir menn búa við frið:
Orð guðs [spádómarnir] munu rætast!
Spánn og Frakkland verða sameinuð
þegar hörmungar eru í nánd og napurt stríð,
sem verður þvílíkt að jafnvel
Þrettán ára friðsamleg sambúð
tveggja stórvelda fyrir bí
Hinir tveir verða ekki sameinaðir lengi.
Innan við þrettán ár munu þeir [láta undan]
leiðtoga músíma. Beggja vegna valda þeir
þvílíku tjóni að menn munu blessa
kaþólsku kirkjuna og páfann.
Hungurdauði og undirokun. Hernaðaraðgerðir að frumkvæði hávaxins þjóðarleiðtoga
Þér verður bakað meira tjón
fyrir að gæta ekki varúðar.
Hinir máttvana verða sterkir,
hinir kvíðafullu friðsælir.
Þau munu hrópa hungursneyð
[þegar] fólkið er kúgað.
Sjórinn blóðgast [vegna] hins Hávaxna
[sem er] stoltur og ósanngjarn.
And-Kristur birtist fyrir upphaf Vatnsberaaldarinnar
Þegar Vatnsberaöldin nálgast
snýr hinn illskeytti aftur.
Eldar tefja framgöngu stríðsins mikla.
Í Rússlandi og til suðurs [ríkir] hin stolta
og Vestrið viðheldur hugsanafrelsi sínu.
And-Kristur fæðist í júlí árið 1999
Í sjöunda mánuði ársins nítján hundruð níutíu
og níu stígur konungur óttans niður af himnum
til að endurlífga hinn mikla konung Angolmois.
Áður og síðar ríkir stríð, sem betur fer.
Trúarleiðtogi þjarmar að andstæðingum sínum.
And-Kristur í leikhúsi
Stofnandi sértrúarhreyfinga veldur þeim
er sakfella hann mikilli sorg.
Dýrið verður í leikhúsinu
[þegar] látbragðsleikurinn er undirbúinn.
Hugvitsmaðurinn fyllist andlegri upphafningu
vegna hinna fornu staðreynda.
Í heiminum verður glundroði
og flokkadrættir vegna sértrúarhreyfinga.
Maður blóðsins: Bandaríkin á hátindi máttar síns.
Samvinna Bandaríkjamanna og annars stórveldis
Dag einn verða tveir voldugir leiðtogar
vinir. Styrkur þeirra mun vaxa. Nýja landið
verður á hátindi máttar síns fyrir mann
blóðsins. Tala hans hefur verið tilkynnt.
Óvinur mannkyns
Flekkaður morðum og viðurstyggilegum glæpum
verður hinn ógnþrungni óvinur mannkyns verri
en allir forverar hans. Með eldi og brandi stríðs
úthellir hann blóði á miskunnarlausan hátt.
Kosning and-Krists. Hann lifir fábrotnu lífi og beitir voldugar þjóðir ofríki
Lævís maður verður kosinn án þess
að láta nokkuð uppi. Hann leikur
dýrling og lifir fábrotnu lífi. Síðan
gerist hann skyndilega yfirgangssamur
And-Kristur kyndir undir ófriði.
Írak gegn Ítalíu
Ógnvaldur mannkyns mun særa fram hina
djöfullegu guði Hannibals. Aldrei hafa blöðin
greint frá öðrum eins hryllingi og þeim
er hrjá mun Rómverja af hendi Babýloníumanna.
Yfirstjórn Bretlands í höndum Bandaríkjamanna. Kuldakast í Skotlandi. And-Kristur
Æðsti valdamaður Lundúna verður undir
stjórn Ameríku þegar Skotlandi verður
íþyngt með kuldakasti. Rauði konungurinn
mun hafa yfir sér svikulan and-Krist
sem kemur þeim öllum í vandræði.
And-Kristur ræður niðurlögum þriggja ríkja. Dómsdagsstríðið varir í tuttugu og sjö ár
And-Kristur mun fljótlega eyða þremur.
Í tuttugu og sjö ár varir styrjöld hans.
Andstæðingar hans verða deyddir, fangelsaðir
og gerðir útlægir. Blóð manna litar vötnin
og jörðin verður undirlögð höggum.
það gerist verður Evrópu greidd þung högg.
Arftaki Múhameðs kemur fram
Sá síðasti, sá sem ber nafn spámannsins,
mun gera mánudag að hvíldardegi.
Hann nær langt með ofsa sínum
Madhí fæðist á Arabíuskaga.
Styrjöld við Spánverja og Ítali
Í hinni auðugu Arabíu fæðist mikill
leiðtogi múhameðskra laga. Hann mun ergja
Spánverja og leggja undir sig Granada.
Sjóleiðina ræðst hann til atlögu gegn Ítölum.
Leiðtogi múslíma verður tvíburi og
finnst fyrir utan klaustur.
Trúarhreyfing færir honum völdin
Fyrir framan klaustrið finnst ungviði
sem er tvíburi og afkvæmi göfugs munks
af fornum ættlegg. Vegna sértrúarhóps
og mælsku mun frami hans og áhrif
fara vaxandi uns þeir krefjast þess
að tvíburinn verði hafinn til valda.
Tvö Arabaríki ganga í lið með
trúarleiðtoga múslíma.
Blóðsúthellingar í Frakklandi
Hin merki einvaldur fær stuðning frá
fyrirmönnum tveggja landa. Þeir verða
sameinaðir í vinsemd. Ó, hvílík
ástríða er meðal fylgismanna þeirra.
Börnunum í Narbonne er mikill vorkunn.
Þríveldið verður kveikjan að stórstyrjöld.
Hungursneyð og drepsóttir í kjölfar styrjaldar
Þau sem lifa í makindum verða dregin niður.
Í heiminum skapast öngþveiti vegna þriggja
bræðra [bandalagsríkja]. Sjávarborgin
verður hersetin. Hungursneyð og drepsóttir
[koma í kjölfar] blóðugra átaka. Illúð
og djöfulskapur magnast um allan helming.
Tvö lönd sem eiga í deilum sameinast
þegar dregur til stríðs.
Uppnám í Egyptalandi
Tvö lönd sem áttu í deilum munu sameinast
þegar flest önnur dragast út í styrjöld.
Hinn merki í Afríku verður skelfingu
lostinn og þetta tveggja þjóða bandalag
mun leysast upp vegna ósigurs.
Líbískur valdamaður kyndir undir andstöðu við Frakka
Líbískur leiðtogi, valdamikill í vestri,
mun kynda undir andóf araba gegn Frökkum.
Síðan kemur menntaður og velviljaður maður
sem þýðir arabíska tungu yfir á frönsku.
Styrjöld við Ísrael breiðist út til Vestur-Evrópu
Vandkvæði Hebron munu nálgast Pó, Tagus,
Tíber, Róm, Genf og Tuscany. Tveir leiðtogar
í borgum Garonne verða teknir til fanga, myrtir
og þeim drekkt. Herfanginu verður skipt.
Arabar eyða flugher Ísraels
Samkunduhús gyðinga, andlaus og geld,
verða tekin herskildi af múslímum. Dóttir
hinna ofsóttu sem voru herleiddir til Babýlon
verður sorgmædd og brjóstumkennanleg því
að vængir hennar verða klipptir.
Jarðskjálftar og flóð í Grikklandi og Tyrklandi. Hernaðarátök af völdum tveggja ríkja
Í nokkrar nætur mun jörðin nötra.
Um vorið verðatvisvar með stuttu millibili
[hernaðar]átök. Íbúar Korinþu
og Efesus munu synda í tveimur höfum.
Tveir fræknir stríðsmenn verða aflvakar ófriðar.
Þjóðverjar og Spánverjar í styrjöld við múslíma
Stríð og sprengjufaraldur munu leggja
mörg landsvæði í auðn. Með ógnþrungnum
hávaða verður ráðist inn fyrir landamæri [ríkja],
þegar hinn mæti leiðtogi hefur verið felldur
og útlagar verið náðaðir. Þjóðverjar
og Spánverjar munu ráðast sjóleiðis á múslíma.
Herir múslíma ráðast til atlögu gegn Frökkum. Menn og dýr deyja í hrönnum
Port-de-Bouc mun óttast herflota múslíma
um tíma. Löngu síðar kemur vestræni flotinn.
Báðir valda tjóni á dýrum, mönnum og verðmætum.
Þvílíkt áfall fyrir framfarir og réttlæti!
Írak gerir skyndiárás á Natóríki. Ítalía hersetin. áfinn flýr til Frakklands
Íbúar Íraks munu ráðast á bandalagsríki
Spánverja á meðan fólk skemmtir sér,
hlær, situr veislu eða sefur. Páfinn
flýr meðfram Rón. Vatíkanríkið verður
hernumið, einnig Ítalía.
Páfastóll flyst úr stað vegna þriggja leiðtoga.
Kaþólska kirkjan líður undir lok í núverandi mynd
Sakir yfirráða þriggja leiðtoga verður
páfastól komið fyrir annars staðar.
Þar verður inntak sakramentisins endurnýjað
og það meðtekið á ósvikinn hátt.
Íran ræðst til atlögu gegn Grikklandi. Lofthernaður í Sviss og Frakklandi
Að næturlagi sést blossi á himni
í grennd við upptök og ós Rónar.
Það verður hungurdauði og vopnagnýr.
Aðstoðin kemur of seint þegar Íran
gerir innrás í Makedóníu.
Efnavopn notuð gegn Grikkjum
Á Hringeyjum, Perinþus, Larissa, í Spörtu
og í suðausturhluta Grikklands og á öllum
Pelóps-skaga verður hungursneyð og drepsóttir
af völdum tilbúins dufts. Þetta varir
í níu mánuði meðfram öllum skaganum.
Beiting efnavopna á Pelóps-skaga. Vinveitt ríki neitar Grikkjum um fulltingi
Geigvænlegur vágestur verður í Perinþus
og Nikópolis. Þessi óáran er á Pelóps-skaga
og í Makedóníu. Hún mun tortíma
Þessalíu og Amphipólos. Óþekkt mein,
auk þess sem Anthony neitar allri liðveislu.
Innrás múslíma.
Valdamenn Vesturlanda hafðir að háði og spotti
Ástandið verður viðurstyggilegt, banvænt
og ofsafengið vegna hamslausra árása
og hernaðar múslíma. Stórkostlegar
hörmungar eru í vændum í þessum mánuði
og rismiklar persónur verða hafðar
að athlægi að tveimur undanskildum.
Arabar fara með ránum og gripdeildum meðfram vesturströnd Ítalíu
Frá Mónakó og alla leið til Sikileyjar
verður sjávarsíðan lögð í auðn. Ekki verða
til úthverfi, borgir né kaupstaðir
sem múslímar hafa ekki farið ránshendi um.
Skoskur frammámaður og sex Þjóðverjar teknir höndum. Múslímar gera innrás á Spán frá Gíbraltar
Skoski ráðamaðurinn ásamt sex Þjóðverjum verða
teknir höndum á sjó af Asíubúum sem fara yfir
Gíbraltarsund til Spánar eftir að hafa
Madhí, arftaki Múhameðs, leggur undir sig landsvæði á Ítalíu, Spáni og í Frakklandi
Barn hins mæta sem var ekki við fæðinguna
mun undiroka Apenína-fjöll. Hann fær
vestræn ríki til þess að skjálfa á beinunum
og [rekur hernað] frá Pýrenea-fjöllum til Mont-Cenis.
Madhí vinnur hernaðarsigra á Spáni og í Frakklandi
Yfir hina hættulega leið Junquera leiðir sá
sem fæddist eftir dauða föður síns hersveit
sína, fer yfir Pýrenea-fjöll með hergögn sín
og hrekur herforingjann alla leiðina að Tende.
Múslímar láta greipar sópa um eignir kristinna manna í Litlu-Asíu
Mikið verður um eignarnám í löndum Asíu,
einkum í Mysíu, Lydíu og Pamphilíu. Blóði
verður úthellt í nafni frelsis af ungum
dökkum manni sem er gegnsýrður fláræði.
Gagnsókn Frakka fer út um þúfur. Leiðtogi múslíma hrósar sigri
Þið sem búið nálægt Tarn, Lot og Garonne,
gjaldið varhug við að fara yfir Apenína-fjöll!
Grafir ykkar verða stungnar nálægt Róm
og Ancona. Maðurinn með svarta, þétthrokkna
hárið mun reisa sér sigurtákn.
Sjóorrusta á Adría-hafi. Egyptar dragast inn í átökin. Feiknalegir jarðskjálftar
Flotinn verður eyðilagður nálægt
Adría-hafi. Jörðin mun gnötra og þrýstast
upp í loftið. Egyptar titra af ótta
vegna uppgangs múslíma. Æðsti yfirmaður
heraflans verður knúinn til uppgjafar.
Múslímar leggja Korsíku,
Sardiníu og borgir á Ítalíu í auðn
Napólí, Palermó og öll Sikiley verða lögð
í rúst af herjum múslíma, einnig Korsíka,
Sardinía og Salernó. Þar verður sultur,
Vanræksla Frakka bakar þeim vandræði.
Túnis og Alsír verða í bandalagi með Írönum.
Sjóher Ítala bregst Spánverjum
Sökum gáleysis verður ráðist á Frakkland
á fimm ólíkum stöðum. Túnis og Alsír
verða eggjuð til orrustu af Írönum.
León, Seville og Barcleóna munu falla
og floti Ítala veitir enga hjálp.
Kæruleysi og sundrung meðal Frakka auðveldar framsókn múslíma. Blóðsúthellingar við Signu
Vegna sundrungar og hirðuleysis Frakka opnast
leið fyrir fylgismenn Múhameðs. Við sjó
og á landi Signu verða blóðsúthellingar.
Höfnin í Marseilles verður byrgð herskipum.
Hildarleikur á Ítalíu og meðfram Miðjarðarhafsströndinni. Jarðskjálftar
Ég syrgi Nissa, Mónakó, Písa, Genúa,
Savóna, Síena, Capúa, Módena og Möltu,
sem verða blóðidrifnar í orrahríð.
Stríðið, jarðskjálftarnir og byltingin
munu leiða af sér óvelkomna ógæfu.
Helför múslíma
Skip munu leiða í burtu fanga á öllum aldri.
Góðir tímar verða slæmir, beiskleiki kemur
í stað sætleika. Múslímar verða fljótir
að hremma herfang sitt og æstir í að heyra
kvein [fórnarlambanna] berast með vindinum.
Hersveitir múslíma sækja inn á Ítalíu og Austurríki.
Íslendingar afla hermönnum matvæla
[Það verður] bylting og stormur
þegar her múslina fer yfir Tyrrena-haf
og til Dónár. Fram hjá Orkneyjum
verða útveguð matföng fyrir hermennina.
Velferð minnkar á Vesturlöndum
[vegna þeirra sem] fara þvert yfir [hafið]
til Síena þegar tveir sem voru
sameinaðir í vinsemd hafa látist.
Voldugt ríki að hruni komið. Ítalía í sárum vegna innrásar múslíma um Dóná og Möltu
Hinn alræmdi herstjórnandi óttast
hinn mikla bræðsluofn [stríðsins].
Sá sem mest verður óskað eftir verður
ekki meðal þeirra fanga er snúa aftur.
Hið volduga [ríki] verður á botni veraldar.
Ítalía þolir þrengingar vegna múslíma,
sem koma um Dóná og Möltu.
Þeir hörfa aftur í Le Buis.
Spánverjar í átökum við Líbíumenn. Leiðtogi Líbíu ber sigurorð af Ítölum. Frakkar bregðast Ítölum á örlagastundu
Á þeim tíma er stríðið nær til Léon
mun hernuminn Spánn eiga í orrustu
við líbískan leiðtoga, sem skákað hefur Ítölum
skammt frá Möltu. Þá greiðir Haninn
valdsmönnum Rómar þungt högg.
Kafbátaárás á Bretlandseyjar. Bardagar á milli múslíma og Frakka
England verður fyrir árás frá sjávarbotni.
Blóð Frakka og múslíma blandast saman.
Eyjarnar úthella blóði vegna síðbúins erfiðis.
Það verður þeim til meira tjóns
heldur en að hylja vandann [fyrir fólkinu].
Hrellingar í Sviss, á Ítalíu og á eyjum Miðjarðarhafsins
Harmakvein, grátur, hrelling og angist
verður af völdum hins ómennska, sem er
harðskeyttur, grimmlyndur, dökkur og geigvænn.
Íbúar Genfar og eyjanna og fyrirmenn Ítalíu
munu úthella blóði sínu. Þar verður kuldi
og hungur [og] engin miskunn sýnd.
Ráðamaður Svisslendinga myrtur. Fjöldamorð í Genf
Barnið verður drepið í návist föður
síns, sem verður síðan fangelsaður.
Íbúar Genfar verða myrtir
og leiðtogi þeirra afhöfðaður
Íranir ganga milli bols og höfuðs á Svisslendingum
Allir íbúar Genfar, yfirgefið borgina!
Gullöldin mun breytast í öld stríðs.
Leiðtogi Írana mun útrýma öllum
sem setja sig gegn honum.
Múslímar herja á Evrópu. Leiðtogi Kínverja byggir upp voldugan her. Kristnum mönnum slátrað í hrönnum
Frá Marokkó munu yfirráð [araba] ná til Evrópu.
[Þeir] bera eld að borgum og stráfella íbúanna.
Hinn stórvirki leiðtogi Asíu byggir upp
voldugan her á landi og sjó. Fólkið með
náfölt [eða] fölblátt [litaraft] mun elta
uppi kristna menn til að farga þeim.
Hernaðarumsvif Kínverja ná til Tyrklands og Egyptalands. Madhí gengur af kaþólsku kirkjunni í Frakklandi dauðri
Leiðtogi araba mun heyja stríð gegn kristnum
mönnum. Meinfýsi kollvarpar valdi
frönsku kirkjunnar, sem verður að engu
gerð vegna flotaárásar. Næstum því milljón
hermenn munu verða í Íran og höggormurinn
ræðst inn í Tyrkland og Egyptaland.
Hernaðarátök á Svartahafi. Kínverjar gera innrás í Tyrkland. Arabar bíða ósigur á Adría-hafi
Með hergný og eldi, skammt frá Svartahafi,
koma [þeir] frá Íran og hrifsa til sín Trebizond.
Egyptar og Grikkir nötra. Kristnir menn
kætast þegar Adría-haf litast arabísku blóði.
Umsvif Kínverja á höfunum.
Niðurrifsstarfsemi í Afríku. Stakkaskipti í Asíu
Systir Japans fer af öryggi þvert yfir hafið.
Meinfýsi verður allsráðandi í Afríku.
Stjórnarskeið þeirra varir ekki fram á
gullöldina, því hluti Asíu mun breytast.
Leiðtogi Kínverja fæðist í fjölmennri borg.
Hersveitir hans sækja alla leið til Frakklands
Hann fæðist við ill örlög í borg með ómælanlegum
[mannfjölda]. Uppruni hans verður lítt þekktur
og torráðinn. Áform hans eru að steypa hinum
volduga og afmá [Vesturlönd] gagngert
að Rouen og Evreux.
Uppgjörið: Austrið gegn Vestrinu
Tvisvar sinnum hafið til valda, tvisvar sinnum
lagt í duftið. Austrið mun einnig veikja Vestrið.
Andstæðingar þess verða flæmdir í burtu á sjó eftir
margar orrustur og bíða afhroð vegna örbirgðar.
Kínverjar fara á kreik
Bráðlega mun allt verða reiðubúið.
Við horfum fram á ískyggilegt tímabil.
Ríki hinna grímuklæddu og einangruðu.
Blóðbað í kjölfar friðartímabils
Í níu ár heldur hinn magri friðinn, síðan
hefur hann þvílíkt blóðbað að ógrynni fólks
deyr fyrir hann án þess að virða guðs
né manna lög. Hann verður tekinn af lífi
af einum sem er mun viðfelldnari.
Kínverjar gera innrás í Evrópu.
Stríð í Rónardal. England tekið herskildi
Blóði mun rigna yfir fjallgarðinn þegar
konungur [kemur úr] austri [til þess að]
endurskipuleggja vestrið. Stríðið breiðist
til Orgon, og í Róm verður unnið mikið
níðingsverk. Þegar flotanum hefur verið eitt.
Þriðja heimsstyrjöldin um næstu aldamót.
Notkun flugskeyta
Eftir mikla eymd fyrir mannkynið nálgast önnur
enn meiri þegar guð endurnýjar skeið heillar aldar.
Bylting og blóðsúthellingar munu valda
hungursneyð, styrjöldum og farsóttum. Á himnum
sést eldur sem dregur á eftir sér neistarák.
Þriðja heimsstyrjöldin. Notkun flugskeyta.
Yfirráð hinna rauðu. Hungursneyð
Eldur af himni mun ljóstra Vestrið og síðan
mun Suðrið ryðjast yfir Japan. Maðkar
deyja úr hungri án þess að finna rætur
til að nærast á. Þetta verður þriðja
heimsstyrjöldin, sem tendrar bál hinna Rauðu.
Þeir munu stjórna og síðan verður hungursneyð.
Vopnagnýr í lofti
Guðirnir munu gera mannkyninu ljóst að þeir
eru upphafsmenn mikillar styrjaldar.
Himinninn sem áður var friðsæll, fyllist nú af vopnum og
eldflaugum. Þeir sem eru
á vinstri hönd verða fyrir mestu tjóni.
Innrás Kínverja í Evrópu.
Ungverjar milli heims og helju
Í grennd við Rússland verða gífurlegar athafnir
mannmergðar, sem munu þjaka Evrópu og hartnær
allan heiminn. Þeir hrekja mislukkaða herforingja á
flótta þegar Ungverjar berjast upp á líf og dauða.
Búsifjar vegna fimbulvetrar.
Kínverjar hervæðast. Frakkland eflist
Hveiti mun skorta. Meðal ávaxta jarðar ber
mest á ofbeldi. Eftir vætusamt vor og sumar
verður langur, snjóþungur, jökulmyndandi vetur.
Austrið mun hervæðast. Frakkland styrkist.
Dauði búpenings veldur búsifjum
meðal þeirra sem eru hernumdir í eigin landi.
Hergnýr í Rússlandi. Evrópubúar fara halloka vegna vanrækslu. Stýriflaugar á himni
Vegna vanrækslu og sundurþykkju fara
Evrópumenn halloka. Ákveðin persóna
mun skyndilega reisa þá við.
Í áttina að Rússlandi verður gífurlegur hávaði
og miklar skemmdir vegna odda á himni.
Kjarnorkuárás í námunda við Rússland
Við sólarupprás sést mikill eldur, hávaði
og ljósglampi, færast í áttina að Rússlandi.
Innan hrings verður dauði og angistaróp.
Vegna stríðs, elds og hungursneyðar
munu menn bíða dauða síns.
Kínverjar fara um Rússland og
Armeníu á leið sinni til Tyrklands
Frá Svartahafi og Kína kemur voldugur
leiðtogi til Frakklands. Hann fer
þvert yfir Rússland og Armeníu og skilur
eftir sig blóðugan sprota í Tyrklandi.
Rússar búast til varnar.
Borgarastyrjöld í Rússlandi. Notkun efnavopna
Rússneskar hersveitir munu rjúfa umsátrið
með því að dreifa ösku, kalki og dufti
úr skotraufunum en byltingin sem kemur í kjölfarið
bitnar ennþá meira á þeim. Þetta verður síðasta
úrræðið andspænis landamærum þeirra.
Ráðamaður Írans færir Atlantshafsbandalaginu gjöf. Innrás í Frakkland og Ítalíu hleypt af stokkunum frá Afganistan.
Hinn kaldranalegi frá Tígris og Íran
mun færa bandalagi hafsins gjöf.
Síðan fer herforingi frá Afganistan
til Tyrrena-hafs og Marseille.
Styrjöld í Króatíu. Hernaðarátök í Rússlandi, Þýskalandi og á Ítalíu
[Í framhaldi af] velmegun mun fólk úthella
blóði sínu í Króatíu þegar styrjöldin brýst út.
Plága fellur á Ballenstedt. Mikið vein heyrist
um gjörvallt Rússland. Síðan verða miklar
hrellingar nærri og í Ravenna.
Hersveitir Kínverja í Króatíu. Þurrkur á Ítalíu
Á milli Kampaníu, Síena, Flórens og Toscana
fellur ekki dropi úr lofti í sex mánuði
og níu daga. Undarlegt tungumál heyrist
í Króatíu sem fer um landið og eyðir því.
Innrás Kínverja í Vestur-Evrópu
Austurlandabúinn mun yfirgefa land sitt, fara
yfir Apenína-fjöll og koma til Frakklands.
Hann fer um himininn og þvert yfir ár og fjöll
og greiðir öllum högg með sprota sínum.
Kínverjar í stríði við Vesturlönd.
Sjö helstu iðnríki heims verða illa úti
Eftir að hafa valdið mergð dauðsfalla,
þurfa hinir sjö að þola sprengjufall,
ofsa, farsóttir og harðýðgi [óvinarins].
Leiðtogi Asíu mun hrekja alla Vesturlandabúa
á undan sér og undiroka fyrrum drottnara.
Þetta kort sýnir hvernig innrás múslíma í Evrópu verður háttað samkvæmt ferskeytlum Nostradamusar. Spámaðurinn spáir því að Írak, Íran, Alsír, Túnis og Líbía verði meðal þeirra ríkja sem leggja til atlögu gegn löndum Suður-Evrópu. Þau fá síðan stuðning af innrás sem kemur úr austri, líklega af hendi Kínverja.
Sjöríkjahópurinn verður fyrir skakkaföllum.
Frakkar að niðurlotum komnir
Framvinda stríðsins mikla, sem veldur víðtækri
eyðileggingu [tryggir að það] sem kallað er sjö
verður fimm. Þriðja stærsta [ríkið] sem æsti til
styrjaldar [gegn] útlendingunum
getur ekki verndað páfann, París eða Aachen.
Innrás í Þýskaland. Gagnsleysi friðarviðræðna í Genf kemur í ljós
Þýskaland og grannríki þess eiga í styrjöld
vegna [innrásar] feiknamikils fjölda.
Það verður mergð skipa og flugvéla
[og] mistök Genfar verða afhjúpuð.
Samstarf Kínverja og Líbíu.
Árás á Ítalíu og eyjarnar í Miðjarðarhafi
Úr austri kemur hinn svikuli verknaður
sem greiðir Adría-hafi og erfingjum Rómúlusar þungt högg.
Hann kemur í fylgd
með flotanum frá Líbíu. Malta mun skjálfa
og nálægar eyjar leggjast í auðn.
Bandalag Kínverja og múslíma. Herför að Rín og Dóná. Bardagar á Möltu og á ströndum Ítalíu
Árið sem fólk er tilbúið að leggja sviksemi
á hilluna munu tvö voldugustu ríki Asíu
og Afríku herja alla leiðina að Rín
og Dóná. Síðan verða óp og grátur og gnístran
tanna í Möltu og við Genúa-flóa.
Loftsteinahríð greiðir fyrir falli Sjöríkjahópsins
Ný, skyndileg og ofsafengin bylting hindrar
á augabragði [framrás] tveggja herja. Logandi
loftsteinahríð mun dynja á sjónum [og] fráfall
hinna sjö verður snögglega á landi og sjó.
Þjóð mun rísa gegn þjóð og ríki gegn ríki, þá
verðalandskjálftar miklir og drepsóttir og hungur á ýmsum
stöðum, en ógnir og tákn mikil á himni. - Þá verður svo mikil
þrenging, sem engin hefur þvílík verið frá upphafi heims
allt til þessa og mun aldrei verða. Ef dagar þessir hefðu ekki
verið styttir, kæmist enginn maður af.
Stór loftsteinn skellur á jörðu
Mikið hnöttótt fjall, meira en kílómetri
[í þvermál], mun kútveltast þegar styrjöld,
hungursneyð og flóð koma í stað friðar.
Það mun sökkva miklum löndum,
jafnvel ævafornum af mætum grunni.
Flóð á Bretlandseyjum.
Bardagar ítalskra skæruliða gegn hernámsliði
Stóra Bretland, þar með talið England,
verður fyrir á barðinu á miklum flóðum.
Nýja ítalska bandalagið mun heyja stríð
til þess að veita þeim mótspyrnu.
Ódæði Frakka. Bretar flýja unnvörpum vegna flóða. 250.000 láta lífið
[Þegar] Ítalir líða fyrir djöfullegan
verknað af hendi Frakka verður
sjávarljónið gagntekið árangurslausri skelfingu.
Óendanlegur fjöldi fólks fer yfir hafið
en fjórðungur milljónar mun ekki sleppa.
Hernaðaraðgerðir Atlantshafsbandalagsins.
Pólverjar koma Bretum til hjálpar vegna flóða
Hersveit Pólverja fer frá [meginlandi]
Evrópu til eyjarinnar sem hefur verið
færð í kaf. Herdeildir Nató
koma sér fyrir á mikilvægum stöðum.
Jarðskjálftar á Ítalíu. Suðvesturoddi Englands undir sjó. Stríð eftir friðartímabil
Jarðskjálftar verða í Mortara [þegar]
suðvesturhorn Englands hefur verið hálfvegis
fært í kaf. Eftir sljóvgandi frið hefst stríð á ný.
Um páskana munu hörmungar ríða yfir
kaþólsku kirkjuna.
Jarðskjálfti 10. maí í Rómaborg.
Heilagt stríð múhameðstrúarmanna
Tuttugu dögum eftir að sólin gengur inn í merki
Nautsins verður stórkostlegur jarðskjálfti,
sem veldur eyðileggingu í Rómaborg.
Myrkur og vandræði verða í lofti, á himni og jörð
þegar múslímar ákalla Guð og helga menn.
Þurrkar og mengun í sjó og vötnum frá 48. breiddargráðu að hvarfbaugi Krabbans.
Loftárásirá Frakkland
Frá fertugustu og áttundu breiddargráðu
til [breiddarbaugs] Krabbans verða stórfelldir
þurrkar. Fiskar deyja í sjó, ám og vötnum.
Þeir skrælna vegna samfellds hita.
[Landsvæðin umhverfis] Béarn og Bigorre
verða í nauðum stödd vegna loftárása.
Þurrkar í suðri. Jarðskjálftar í Suður-Asíu og ringulreið í Tyrklandi og Grikklandi
Þegar stríð, gripdeildir og peningar stjórna
í sameiningu verður mikill þurrkur í suðri.
Innst í Asíu verður mikill jarðskjálfti
og glundroði hrjáir Grikkland og Tyrkland.
Ofurhiti sólar. Hungursneyð í Grikklandi og á Ítalíu
Vegna ofurhita sólar verða fiskarnir
í Svartahafi hálfsoðnir og fólkið
mun koma og leggja sér þá til munns
þegar Grikkir og Ítalir hafa
fátt til að seðja hungur sitt.
Hríð loftsteina fellur á jörðu. Genfar-sáttmálinn vanvirtur. Ráðamanni óvinalands byrlað eitur
Hinum rismikla og aldna óvini er orsakar ógæfu
verður byrlað eitur, þegar fullveldið
er undirokað með óteljandi hersveitum.
Loftsteinum sem reyfi halastjörnunnar
dylur mun rigna á jörðina, þegar sáttmáli dauðans
verður árangurslaust kallaður til vitnis.
Halastjarna á himni í sjö daga. Bretar biðja um hjálp. Páfinn yfirgefur Róm
Halastjarnan mun loga í sjö daga.
Skýin valda því að tvær sólir sjást.
Breski leiðtoginn ýlfrar alla nóttina
þegar páfinn skiptir um land.
Bandaríkjamenn bíða ósigur.
Halastjarnan stuðlar að falli Bandaríkjamanna
Bandaríkin munu gera innrás og skömmu síðar
hníga í valinn eftir að hafa valdið
gífurlegri slátrun manna og dýra. Þá verður
skyndilega komið fram hefndum. [Sökum]
endalauss þvaðurs verður valdi beitt.
[Fólk mun kynnast] þurrki og harðindum
Halastjarna á himni. Loftsteinahríð. Jarðskjálfti
Nálægt Auch, Lectoure og Mirande
fellur eldur af himni í þrjár nætur.
Stórfenglegur og einstakur hlutur gerist.
Skömmu síðar verður gífurlegur jarðskjálfti.
Ráðamaður myrtur eftir fráfall Jóhannesar Páls II og Jóhannesar Páls I. Halastjarnan sýnileg
Skömmu áður en þjóðhöfðinginn er myrtur hafa
bræður setið á páfastóli. Halastjarnan verður sýnileg.
Almannafé verður sóað til lands og sjávar
og Pisa, Asti, Ferrara og Turin verða forboðin svæði.
Halastjarnan. Afbrigðilegt veðurfar og áhrif kjarnorkusprenginga
Á því ári sem svall og stríð verður ámóta
taumlaust verður andrúmsloftið geypilega
þurrt vegna halastjörnunnar. Af völdum
dulbúins elds munu margir staðir stikna
í glóandi hita. Regnfall verður lítið,
en heitir vindar, stríð og strandhögg.
Barn fæðist með tvær tennur í hálsi. Loftsteinahríð.
Barn mun fæðast með tvær tennur í hálsi.
Það rignir steinum á Toscana. Nokkrum árum
síðar verður hvorki til hveiti né bygg
til að seðja þá sem örmagnast úr hungri.
Barn með tvær tennur í hálsinum. Notkun eiturefna
Á meðal þeirra sem verða fluttir til eyjanna
verður einn sem fæddist með tvær tennur
í hálsinum. Menn munu deyja úr hungri
[vegna eiturefna] sem hafa aflaufgað trén.
Nýr leiðtogi mun leggja á þá ný lög.
Hallæri sökum kjarnorkustyrjaldar
Ég sé mikla hungursneyð færast nær,
hún sveigist frá einu landi til annars,
uns hún hefur breiðst um allan heiminn.
Hún verður svo víðtæk og langvinn
að fólk mun grafa upp rætur trjánna
og hrifsa ungbörn af brjósti mæðra sinna.
Nýr páfi. Friðarsamningar sviknir
Ekki frá Spáni heldur frá fornu
[landsvæði] Frakklands verður einn valinn
þegar Páfaríki skelfur.
Sá sem undirritar samninga við óvini sína
veldur miklum hörmungum á valdatíma sínum.
Rómaborg brennur. Ógnartákn á himni.
Prestar verða sér til skammar
Róm mun sjást í ljósum logum að næturlagi.
Himinninn myrkvast skyndilega í Belgíu
þegar páfinn rekur einn af kardínálum sínum.
Þá valda klerkarnir hneykslun.
Páfi í sjö mánuði.
Klofningur innan kaþólsku kirkjunnar
Hann mun gegna æðsta embætti preláta í sjö mánuði.
Þegar hann deyr verður feikilegur klofningur.
Í sjö mánuði heldur annar um stjórnartaumana.
Síðan verður saminn friður
nálægt Vín og samstaðan endurheimt.
Flóð á Ítalíu. Tortíming Páfaríkis.
Páfinn handtekinn
Í námunda við Tíber vofir dauðinn yfir.
Skömmu áður hafa orðið mikil flóð.
Yfirmaður kirkjunnar verður tekinn höndum
og [síðan] hafnað. Kastali og höll
[Vatíkansins] verða í logum.
Ofsóknir á hendur kirkjunni.
Prestastéttin leggst niður
Skömmu síðar verður hinum trúuðu fórnað
á ný. Andófsmenn deyja píslarvættisdauða.
Hvorki verða til munkar, prestar né nýliðar.
Hunang verður dýrara en býflugnavax.
Rænt og ruplað í Vatíkaninu.
Páfinn flýr meðfram Rón
Þegar þeir láta greipar sópa um helgidóminn
verður hinn háleiti hjá Rón. Helgispjöll
sem þeir fremja leiða af sér miklar
hörmungar. Höfuð stjórnarinnar kemst
ekki hjá því að fordæma þessi illvirki.
Páfinn flýr vestur.
Hrottaverk framin á Ítalíu
Nálægi Rómverji, flýðu, flýðu vestur,
átökin munu ná til Fiesole. Blóði verður
úthellt og hinir valdamiklu handsamaðir.
Páfinn myrtur í Lyon í Frakklandi
Rómapáfi, gættu þess að nálgast ekki
borgina sem er vötnuð tveimur fljótum.
Blóð þitt og fylgdarmanna þinna mun seytla á
Dauði páfans í Lyon 13. desember
Hinn göfugi mun glata orðstír sínum þegar
hann fer frá Montélimar. Níðingsverkið
verður unnið við ármót Rónar og Sónar.
Hermennirnir dyljast í skóginum á Lúsíudegi.
Ekkert í líkingu við þennan harmleik
Dauði páfans. Halastjarnan birtist nálægt Litla Birninum í júní. Hernaðarátök á Ítalíu, í Grikklandi og á Rauðahafinu
Halastjarnan birtist í stefnu á Litla Björn
í kringum tuttugasta og fyrsta júní. Súse,
Síena, Grikkland og Rauðahafið munu nötra.
Ofsóknir á hendur kirkjunni.
Arabar og Pólverjar í bandalagi
Kirkja Guðs verður fyrir ofsóknum og helgidómar
hennar rændir. Móður [kirkjan] verður
svipt klæðum af börnum sínum. Arabar
verða í bandalagi með Pólverjum.
Hernám vestrænna ríkja. Kirkjan slypp og snauð
Æ! Hve merk þjóð verður kvalin og helg
lög algjörlega niðurnídd. Hinum kristnu
verður stjórnað með öðrum lögum, þegar
ný uppspretta gulls og silfurs uppgötvast.
Gengið milli bols og höfuðs á prestum og prelátum
Blóði kirkjunnar manna verður úthellt,
eins og vatn mun það renna í straumum.
Í langan tíma verður það ekki hindrað.
Vei! Sorg og kvöl verður hlutskipti prestanna.
Hersveitir Nató á leið til Ungverjalands. Persaflói og Króatía bækistöðvar innrásarliðs
Herfloti bandamanna leggst úr höfn
frá Marseille, með viðkomu í Feneyjum
á leið sinni til Ungverjalands. [Hersveitir]
munu fara frá [Persa]flóa og Adría-hafi
til að tortíma Sikiley og Norðvestur-Ítalíu
með stórskotaliði.
Innrás á Ítalíu hrundið af stað frá Slóveníu.
Rómaborg tortímt
Ógrynni hersveita nálgast frá Slóveníu.
Tortímandinn mun eyðileggja hina fornu borg.
Ítalía verður eitt flakandi sár og enginn
veit hvernig lægja má öldur ófriðarins.
Herstjórnendur Kínverja hrósa sigri á Ítalíu
Áður en stórmennið geispar golunni í Róm
mun mikil hætta steðja að erlendum her.
Herflokkarnir gera fyrirsát nálægt Parma
og Styrjöld Englendinga og Makedóníubúans.
Vesturlönd standast hremmingar styrjaldarinnar
[Fólk] er þrungið harmi þegar breski leiðtoginn
hefur stríð gegn hinum unga Makedóníubúa.
Frakkland nötrar og páfadómi er stefnt í voða.
Marseille verður hernumin
og Vestrið afber [þjáningarnar].
Hernaðaraðgerðir í Frakklandi.
Vistaskortur á Bretlandseyjum
Þegar þeir undirbúa mikið stríð
gegn Nancy staðhæfir Makedóníubúinn:
,,Ég mun undiroka alla."
Það verður kvíðvænlegt ástand
á Bretlandseyjum vegna matvælaskorts.
Filipus þraukar ekki lengi á milli
tveggja [vígstöðva] við að halda Metz.
Makedóníubúinn í Pýrenea-fjöllum.
Franskur leiðtogi á flótta
Makedóníubúinn fer yfir Pýrenea-fjöll.
Í stríðinu mun Narbonne ekki veita neina
mótstöðu. [Stríðs]aðgerðir hans á landi
og sjó verða svo víðtækar að maður,
sem er af konungsætt Kapetinga, verður
hvergi óhultur.
Rússneski herinn gerir innrás í Vestur-Frakkland
Aðvörunarmerki mun heyrast í Bordeaux
og Poitiers þegar stórfenglegur her
fer alla leiðina til Langon.
Norðanvindurinn hefur sókn gegn Frökkum
þegar ógnvænlegir atburðir
Innrás í Frakkland frá Norður-Afríku.
Sýklahernaður. Ósigrar á Miðjarðarhafi
Þrjú herskip munu leggja í höfn hjá Agde
og með þeim kemur andstyggileg, svikul innrás
og farsóttir. Ein milljón [hermanna] safnast saman
til þess að fara yfir hafið. Þar verður mótstaðan
þrívegis brotin á bak aftur.
Stríð og skelfing við Pýrenea-fjöll í Frakklandi
Kveinstafir, grátur, vein og þjáningaróp
munu heyrast í grennd við Narbonne,
í Bayonne og hjá Foix.
Ó, breytingarnar verða hræðilegar
áður en stríðið rennur sitt skeið á enda.
Tortíming Parísar
Hin tilkomumikla borg verður eyðilögð.
Ekki einn einasti íbúi heldur kyrru fyrir
í henni. Byggingum og kirkjum verður
grandað. Konum og ungum stúlkum nauðgað.
Með vopnaskaki, eldi, sjúkdómum
París gerð óhæf til búsetu.
Bretar reyna að bjarga borginni
Landið þar sem fljótið Signa og Marne-á
koma saman verður í langan tíma óbyggilegt.
Hermennirnir sem koma frá Thames-á
munu telja sér trú um að þeir geti veitt
mótstöðu, en vörnum verður ekki komið við.
París lögð í rústir
Við bakka franska fljótsins verða gífurlegar
breytingar. París verður ekki lengur til.
Allt verður umbreytt nema tungumál Frakka,
sakir þess að tímar einræðis, mannvíga,
meinsemda og ránskapar halda innreið sína.
Höfuðborg Frakklands flutt til Avignon
Höfuðborgin verður flutt til Avignon
vegna þess að París hefur verið
eyðilögð. Tricastin espar reiði múslíma.
Í Lyon verður fjaðrafok vegna breytinganna.
Gervitungl greinir frá innrás í Lyon
Himinninn tilkynnir með lýsandi
merkjum frá stjörnu sem fest hefur
verið á himni að breytinga sé að
vænta í Lyon, hvorki til góðs né ills.
Flugher Bandaríkjanna verður fyrir skakkaföllum. Bretland í uppnámi.
Afbrigðilegt veðurfar
Í Kampaníu verður rosafengin rigning
og í Apuila mikill þurrkur. Haninn
mun sjá Örninn vængbrotinn og Ljónið
af þeim sökum í mikilli örvæntingu.
Stríð og hörmungar í Frakklandi, á Spáni og Ítalíu. Sýklavopn valda faraldri
Pau, Veróna, Vicenza, Saragossa, verða fyrir
barðinu á fjarlægum herjum sem lita landið blóði.
Miklir sjúkdómar munu koma í kjölfar hylkisins
og þótt stuðningur sé nær er lækning fjær.
Geislavirkni og snerting að fimbulvetri
Vegna hlutarins munu augun þrútna út.
Hitinn verður slíkur að það byrjar að snjóa.
Vatnsból munu rotna
þegar fremdardýr deyja hjá Reggio.
Geislavirkt mannkyn myrðir hina lifandi í neðanjarðarbyrgjum
Grátur og gnístran tanna verður vegna
hnífaárásar. Þegar þau láta sem þau
séu að flýja gera þau lokaárás.
Í djúpum pöllum umhverfis almenningsgarðinn
verða hinir lifandi hraktir til baka
og teknir af lífi þegar í stað.
Sprengjuárásir á Genf. Innrás í Norður-Evrópu
Himinninn mun stikna á fertugustu og fimmtu
breiddargráðu. Bál stríðsins nálgast
nýju borgina. Á svipstundu ryðst fram
og tvístrast gríðarlegur eldur þegar þeir
ætla sér að sannreyna styrk norrænna manna.
Innrás í Sviss í gegnum jarðgöng
Auðugusta ríki heims nálægt nýju borginni,
verður gagntekið og fært í kaf sökum jarðganga
í fjöllunum. [Íbúar] hennar verða neyddir
til þess að drekka eitrað, brennisteinsgult vatn.
Hallæri í Genf. Yfirráð múslíma bíða hnekki
Íbúar Genfar munu veslast upp af þorsta og hungri.
Vonir þeirra munu ekki rætast. Yfirráð múslíma
verða við það að falla saman [þegar]
Samstillt átak vestrænna ríkja og Japans gegn hernaðaraðgerðum múslíma
Þegar Örninn og Haninn [mætast] við Savona
ásamt bandalagi hafsins, Japönum og Ungverjum,
verður her [múslíma] hjá Napólí, Palermó
og Ancona. Í Róm og Feneyjum heyrist
skelfilegt [bæna]kall múslíma.
Styrjöld múslíma í Króatíu. Aðstoð frá Portúgal
Múslímar með svört höfuðföt munu heyja stríð
og blóðið sem þeir úthella fær Króatíu til að skjálfa.
Þar nær hinn merki leiðtogi araba hámarki,
fólk mun titra af ótta
en síðan kemur hjálp frá Portúgal.
Ógnir og skelfingar á Atlantshafi.
Englendingar í helstríði
Eftir bardagann og sjóorrustuna mun hættan
sem steðjar að Englandi ná hámarki.
Rauði andstæðingurinn verður felmtri sleginn
og setur allt á annan endann í Atlantshafi.
Rússneski flotinn allsráðandi á Atlantshafi
Viðleitni Rússa verður mikil; þeir munu hafa
frjálsan aðgang að Atlantshafi.
Ríkisstjórn Eyjunnar verður endurreist.
Lundúnir skelfa af ótta þegar hún uppgötvar flotann.
Geislavirkt ofanfall. Sundurþykkja meðal forystumanna múslíma
Þéttbyggð svæði verða gerð óbærileg til búsetu.
Miklar deilur koma upp [meðal þeirra
sem vilja] afla sér nýrra landa. Völdin verða
í höndum óhæfra manna. Hinir aðsópsmiklu
bræður munu týna lífinu vegna sundurþykkju.
Deilur meðal forystumanna múslíma þegar halastjarnan fer fram hjá. Herför Kínverja á Ítalíu
Þegar halastjarnan er sýnileg verða þrír
aðsópsmikilir leiðtogar óvinir. Þeir verða
fyrir loftáras og jörðin mun nötra.
Pó og Tíber verða í uppnámi.
Satan mun koma sér fyrir á árbakkanum.
Englendingar og Frakkar endurheimta hluta af Frakklandi
Ótrúlegur fjöldi Englendinga verður
í Guyenna. Þeir hernema landsvæði,
sem þeir nefna Anglaquitaine.
Languedoc, ,,Ispalme" [og] Bordelais.
Franskur stríðshöfðingi við stjórnvölinn í Frakklandi
Hið mikla heimsveldi verður brátt
gert óbyggilegt. [Stjórnstöðvar] þess
verða fluttar nálægt Ardenna.
Hornungarnir tveir verða teknir af lífi
að frumkvæði hins elsta.
Síðan mun Rauðskeggur, hauksgoggur, stjórna.
Rauðskeggur hnekkir veldi Arabaríkjanna
Hinn feiknaöflugi leiðtogi kemur til Spánar.
Á sjó og landi sölsar hann undir sig suðrið.
Þessi djöfull ber aftur sigurorð af múslímum
og vængstýfir þá sem heiðra föstudag.
Madhí berst kröftuglega fyrir ríki sínu.
Rauðskeggur ræður niðurlögum hans
Eftir að hafa frestað för sinni
fara þeir til annarrar heimsálfu.
Antíokíu verður bjargað.
Maðurinn með svarta þétthrokkna hárið
berst hatrammlega fyrir heimsveldi [sínu].
Rauðskeggur ristir hann á teini.
Herflutningar í Íran og Armeníu. Hrakfarir múslíma
Á landsvæðum Írans, Arabíu og Armeníu
munu tveir öflugir herir koma saman á ný.
Þeir verða á landamærum Írans og Armeníu.
Þá bíða hersveitir hins merka múslíma lægri hlut.
Hernaðarsigrar Vesturlanda. Veldi araba hnekkt
Grikkir munu leita ásjár vegna skeytingarleysis
þjóðhöfðingja þeirra, sem hafa yfirgefið þá.
Útþensla Arabaveldisins verður stöðvuð
og vestrið betrumbætir stöðuna.
Flugskeytum skotið af herskipum
Eldur verður kveiktur þar sem dauðinn
leynist í hræðilegum og ógnvænlegum kúlum.
Um nóttina verður borgin að dufti vegna flotaárásar.
Borgin verður alelda og óvinirnir hrósa sigri.
Frakkar herja á Istanbúl. Stríðsfangar múslíma losna úr prísundinni milli 25. maí og 21. júní
Frakkar munu leggja Istanbúl í auðn.
Allir sem múslímar hafa tekið til fanga
verða látnir lausir að tilstuðlan
portúgalsks leiðtoga á milli tuttugasta
og fimmta maí og tuttugasta og fyrsta júní.
Tveggja ára yfirráð stórveldis
Heimsveldið sem virðist ætla að halda velli
mun smátt og smátt leggja undir sig
eitt landið á fætur öðru. En valdaskeið
þess verður ekki langvinnt. Því tekst
að halda velli í tvö ár vegna flota síns.
And-Kristi greitt banahögg.
Páfinn myrtur. Páfadæmið líður undir lok
Sá sem hvorki farsóttir né vopn gátu banað
mun deyja uppi á hól eftir að hafa verið lostinn
[eldingu] af himni. Páfinn deyr
þegar hann verður vitni að því að páfadómur,
sem berst fyrir lífi sínu, er lagður í rúst.
And-Kristur sleginn eldingu
Gullinni eldingu lýstur frá himni á jörðu
niður. Hinn hátt setti verður lostinn.
Undraverður atburður! Morðvargur
mannkyns, frændi hans og aðrir ásjáendur
láta lífið. Hinn drambláti sleppur.
Norðurskautsbandalagið vekur ótta í austri
Þegar þeir sem eru á norðurheimskautssvæðinu
sameinast, verður mikil skelfing og ótti
í austri. Hinn nýkjörni leiðtogi skelfur
á beinunum þrátt fyrir mikinn stuðning.
Grikkland og Tyrkland litast arabísku blóði.
Samvinna Evrópuleiðtogans og Rússa
Eins og griffín mun leiðtogi Evrópu
koma ásamt Rússum. Hann mun leiða
öfluga hersveit rauðra og hvítra og
fara gegn leiðtoga Íraka.
Stórveldi tekur stakkaskiptum vegna Norðurskautsbandalagsins
Hið nýja stórveldi sem er að hruni komið
mun breytast vegna Norðurskautsbandalagsins.
Mikið uppnám á Sikiley verður álitshnekkir
fyrir Filipus og heftir framsókn hans.
Bandalag Rúmeníu, Englands, Póllands og Tékklands gegn múslímum
Rúmenía, England, Pólland og Tékkland
munu mynda með sér nýtt bandalag til þess
að komast handan við Gíbraltarsund, gegn múslímum,
sem hafa gripið til grimmdarlegra bellibragða.
[til að koma á] harðstjórn [sinni].
Hernaðarátök í Noregi, Rúmeníu og Englandi
Noregur, Rúmenía og Bretlandseyjar verða
fyrir barðinu á hinum sameinuðu bræðrum.
Hersveitir þeirra hrekja ítalskan herforingja
af frönskum uppruna þvert í gegnum skóginn.
Þetta kort sýnir í grófum dráttum hvernig hersveitir Evrópubúa endurheimta lönd sín úr höndum innrásarmanna.
Eyjarskeggi á framabraut. Kjarnorku- eða efnavopnaslys veldur ofsabræði þjóðarleiðtoga
Á Eyjunni þar sem fimm fljót koma saman í eitt
aukast áhrif hins hæstvirta Henriks Selin.
Vegna úða í andrúmsloftinu fyllist einn
hamslausri heift. Sex manns komast undan
með því að dyljast í farmi skips.
Samstarf Frakka og portúgalsks leiðtoga geldur afhroð í Suður-Frakklandi
Nýtt bandalag verður sett á fót í Albi og Castres
af hinum nýja Arrían [sem kemur frá] Lissabon
[ásamt] Portúgölum. Í Carcassonne og Toulouse
verður ráðabrugg þeirra eyðilagt,
þegar nýi leiðtoginn skapar ógæfu í Lauraguais.
Drenglyndi Henriks. Borgir í Norður-Frakklandi frelsaðar. Spænski herinn bíður ósigur
Með hjónabandssáttmála að yfirskini
mun hinn velmetni Henrik Selin
koma fram af göfuglyndi. Quintin og Arras
verða endurheimtar í [her]ferðinni.
Spánverjum verður í annað sinn slátrað.
Henrik stendur í stórræðum. Afrískur hershöfðingi vinnur landsvæði í Frakklandi
Hinn merki Henrik hernemur Avignon.
Frá Róm fær hann sendibréf, [sem inniheldur]
blíðmælgi, [en er] hlaðið beiskju.
Bréfið frá sendiráðinu [verður til þess að hann]
yfirgefur Canino.
[Þá mun] svartur hertogi með rauða fjöður
söðla undir sig Carpentras.
Norðurlandaherinn bíður afhroð í Króatíu.
Spánverjar koma Tyrkjum til hjálpar
Í hafnarborginni Pula og San Nicolo
farast mennirnir úr norðri í Kvarner-flóa.
Leiðtogi Tyrklands sendir frá sér neyðaróp
uns hjálp berst frá Spáni og hinum merka Filipusi.
Bardagar Frakka og Kínverja á Ítalíu
Frakkar munu fara þvert yfir fjöllin í snöggum
áhlaupum og hernema landsvæði í kringum Mílanó.
Þeir ráðast djúpt inn í landið og hrekja
rauða herinn burt frá Genúa og Mónakó.
Henrik leysir stríðsfanga múslíma úr haldi
[Maðurinn með] þétthrokkna, svarta skeggið
mun af kunnáttusemi sinni undiroka hinn
grimmúðuga og stolta kynþátt.
Hinn tilkomumikli Henrik leysir úr böndum
alla sem hafa verið fangaðir af múslímum.
Erlendur þjóðhöfðingi færður í böndum til
Henriks eftir frelsun Ítalíu
Æðsti valdamaður erlends ríkis verður
handsamaður og færður ásamt auðæfum sínum
til Henriks. Á Ítalíu, hjá Mílanó,
mun þessi maður bíða ósigur og herir hans
gefast upp fyrir eldi og brandi [stríðsins].
Bardagar í Suðaustur-Frakklandi. Írak bíður lægri hlut í Frakklandi
Á grösugum sléttum Alleins og Vernégues,
við Lubéron-fjall nálægt Durance,
verða harðvítugir bardagar fyrir báða herina.
Írak glatar styrk sínum í Frakklandi.
Landsvæði frá Barcelona til Feneyja endurheimt.
Ósigur múslíma. Undanhald þeirra til Túnis
Frá Barcelona, frá Genúa og Feneyjum,
frá Sikiley til Mónakó [ræður] plágan einum rómi.
Þeir beina spjótum sínum gegn herliði múslíma.
Hafnarborg múslíma alelda
Hersveitir sjávarflotans munu brenna magnesíum,
kalki, brennisteini og biki.[ Síðan verður] löng bið
á öruggum stað [uns] Herakles ræðst á hafnarborg
múslíma og skilur hana eftir í björtu báli.
Sókn Heraklesar gegn Makedóníubúanum. Hlutverk skriðdreka í hernaðarsigrum í Frakklandi
Óvinirnir verða [flæmdir á brott] langt frá víginu
og varnarlínan tryggð með vögnum.
Þeir verða stráfelldir hjá borgarmúrum Bourges
þegar Herakles sigrar Makedóníubúann.
Endalok Makedóníubúans
Konunginum verður fagnað sem sigurvegara
og stjórnanda. Þegar traustið hefur verið brotið
verður skýrt frá konunglegri gjörð hans.
Hann ber sigur úr býtum vegna fráfalls
Makedóníubúans. Hin stórláta þjóð
verður auðmjúk vegna ógæfu sinnar.
Harðstjóri ráðinn af dögum. Hryðjuverkasamtök verja heiður landsins
Við hafnarborg múslíma verður harðstjóri
tekinn af lífi. En samt verður frelsið
ekki endurheimt. Nýtt stríð mun brjótast út
vegna samúðar og í hefndarskyni.
Æra lýðveldisins verður varin með ógnaraðgerðum.
Evrópuleiðtoginn leynir uppruna sínum. Frakkar fá stuðning frá auðugum Sádi-aröbum
Hann fær ekki veldissprotann í hendurnar,
ef hann afhjúpar [uppruna sinn] - fyrr en
allar borgirnar hafa verið frelsaðar.
Frakkar fá vopnabirgðir frá TAG.
Hersveitir Kínverja bornar ofurliði í Toulouse í Fakklandi
Yfirgefið og flýið Toulouse, rauðhöfðar!
Ykkur mun blæða fyrir kúgun ykkar.
Sá sem hefur valdið bölvun undir
yfirskini fávisku verður sannarlega ráðinn
af dögum í samræmi við mannlega forspá.
Evrópuleiðtoginn í fylgd með Frökkum og Norðurlandabúum.
Hinn mikilhæfi leiðtogi mun dveljast
í grennd við Le Mans. Hann verður hugdjarfur
og þolgóður stjórnandi mikils herafla.
Á sjó og landi fara hersveitir Frakka og Norðurbyggja
frá Barcelona og gegnum Balear-eyjar
Frillur elda saman grátt silfur. Henrik lætur af stuðningi við ástkonu sína
Hjákonurnar þrjár eiga lengi í deilum sín á milli.
Sú fremsta [meðal þeirra] verður sjaldan viðstödd,
til þess að geta fylgst með. Hinn merki Selin
verður ekki lengur velunnari hennar.
Hún mun kalla hann eldskjöld á hvítu leiðinni.
Ítali af aðalsættum sviptur völdum. Henrik bakar fúlmenni ógæfu
Sonur prinsins frá Peschieru [stjórnar í fyrstu].
Síðan kemur einn sem er mjög grimmur og illur.
Í Vín verður vegsemd hans afmáð.
Henrik afsalar sér yfirráðum á Ítalíu
Ogmion fær í hendur yfirráðasvæði hins
volduga Selin, sem hefur í raun unnið
meira til þess og teygt anga sína um
gjörvalla Ítalíu. Honum verður stjórnað
af persónu, sem þykist vera gáfuð.
Franskar og belgískar hersveitir rjúfa skarð í herlið múslíma. Leiðtogi araba bíður bana við Rauðahafið
Þegar tímar ofbeldis og uppreisnar eru í loftinu
breiðist stríðið út. Sjötti febrúar
verður örlagaríkur. Frakkar og Belgar rjúfa
skarð í hersveitir óvinarins, sem veldur
því að foringi múslíma deyr á Rauðahafi.
Líbíumenn hraktir frá Gíbraltar og Ungverjalandi
Af mikilli heift þrengir rómversk-belgískur
herstjórnandi að aröbum og herliði þeirra.
Með óslökkvandi hatri flæmir hann Líbíumenn
frá Ungverjalandi og Gíbraltarsundi.
Ósigur Arababandalagsins. Sjítatrúin bugast
Ogmion ræðst til atlögu gegn Tyrklandi.
Arababandalagið verður yfirbugað.
Hvað varðar lögmálin tvö munu
trúvillingarnar ganga til þurrðar.
Milli múslíma og Frakka verður stöðug rimma.
Henrik Selin hnekkir veldi kirkjunnar
Er kirkjan hefur beðið ósigur fyrir Selin
verður mikill fjandskapur milli tveggja
fjarlægra þjóðarleiðtoga sökum hneykslunarsemi.
Þessar [deilur] verða til þess að frelsið
verður endurheimt á Eyjunum og á Ítalíu.
Eignir kirkjunnar gerðar upptækar. Grillum og hugarburði prestastéttarinnar hafnað
Hinir blindu [í anda] verða fórnarlömb úrelts
hugarburðar. Prestar verða rúnir inn að skinni.
Hinn merki þjóðhöfðingi mun hegna þeim
fyrir ofsann með því að nema á brott
fjársjóði kirknanna að þeim viðstöddum.
Leiðsögn, íburði og dýrlingatrú kirkjunnar afneitað.
Afturhvarf til heiðni
Vígsluathöfnum, rómverskum íburði og brostinni
undirstöðu [kirkjunnar] verður afneitað.
Þau munu styðjast við elstu lög manna
og að mestu leyti hafna tilbeiðslu dýrlinga.
Bardagar á Indlandi
Herstjórnandinn hrekur óvininn af ákefð
á undan sér. Hann brýst í gegnum varnir
þeirra og hægir á herliðinu. Þeir hrekjast
á flótta á hlaupum uns þeir nema staðar
og berjast nálægt fljótinu Ganges.
Hernaðarátök í Kína.
Matarskortur og hungurdauði á Ítalíu
Herjunum tveimur verður ekki kleift að ná
saman hjá [Kína]múrnum. Á sama tíma
verður mikill ótti í Mílanó og Pavía.
Þeir verða að þola hungur og vatnsskort
og angist þjakar íbúana sem hafa hvorki
kjöt, brauð né heldur leifar til að eta.
Asíuveldið fer halloka. Hremmingar á ýmsum stöðum
Þegar ósigur hinna fölleitu er í nánd,
verður ljóst að stutt er á milli uppgangs
þeirra og falls. Það verður kuldakast,
þurrkur og ýmsar hremmingar á vígstöðvunum,
jafnvel þar sem spádómurinn á upphaf sitt.
Asíuveldið líður undir lok
Hið svikula veldi Austurlanda verður afmáð.
[Heimsveldið sem náði yfir] Ganges, Jórdaníu,
Rón, Leiru og Tagus breytist
[þegar] ágirndin hefur fengið fylli sína,
Flotinn dreifist og líkamar fljóta í blóðugum sjónum.
Auðugt ríki verður að þiggja
þróunarhjálp í kjölfar styrjaldar
Hvílík hörmung mun fljótlega sverfa að þeim.
Þau sem jusu af gnægtabrunni sínum neyðast
til þess að þiggja hjálp. Varnarleysi, hungur,
og kuldi verður hlutskipti þeirra sem hafa farið
yfir fjöllin og valdið gífurlegri ringulreið.
Friðsamur þjóðhöfðingi
Spámaðurinn mun setja hendur sínar yfir höfuð
konungsins og sárbæna hann um frið á Ítalíu.
Hann færir veldissprotann til vinstri handar
og verður sem konungur friðsamur þjóðhöfðingi.
Heimsleiðtogi stuðlar að sameiningu landa
Selin konungur stillir til friðar á Ítalíu.
Þessi kristni heimsleiðtogi sameinar ríkidæmi.
Dauðvona óskar hann þess að vera grafinn
í vindasömu landi. Það verður eftir að hann
hefur hrakið múslíma frá hafinu.
Evrópuleiðtoginn úr norðri:
Konungur Danmerkur og Ítalíu
Herakles verður konungur Rómar og Danmerkur.
Hann ber viðurnefnið vegvísir þrískiptar Gallíu.
Ítalía og Feneyjar munu nötra.
Fremstur meðal ráðamanna allra ríkja,
verður hann nafntogaður þjóðhöfðingi.
Henrik Selin - alheimsleiðtogi
Hinn merki Henrik verður alheimsleiðtogi.
Í vaxandi mæli elskaður en síðan vekur hann
beyg og óttablandna virðingu. Frami hans
vex og hann verður hafinn til skýjanna. Hann
lætur sér nægja að bera nafnbótina Sigurvegari.
Vanmáttugt og lítilvægt ríki öðlast mikil áhrif að tilstuðlan Evrópuleiðtogans
Hið víðlenda og volduga ríki flyst
yfir til vanmáttugs og lítilvægs lands
sem mun fljótlega vaxa að áhrifum.
Til þessa litla lands fer hann
og leggur frá sér veldissprotann.
Ég sé stjörnuna, sem skín alltaf yfir Eyjunni hvítu.
Hið norræna kyn verður að vinna stafnbúastarf á siglingu jarðarskipsins - svo notað sé orð úr Sólarljóðum.
Og Íslendingar verða að fá frændur sína, sem meir hafa fjarlægst samband við norræna fortíð, til þess að skilja glöggt þetta hlutverk.
Undir norrænu og íslensku merki verður mannkynið að sækja fram, ef sigur á að vinnast... Vilji menn þiggja þetta, sem hér er sagt, og í öðrum stöðum, þá hefst breytingin. Þá fæst samband við verur, slíkar, sem til forna, og af ónógri þekkingu þó, voru góðvættir kallaðar og guðir.
Þá mun veðurfarið breytast, og velmegun verða almenn, en hverskonar vesöld hverfa. Þá munu menn læra, að eyða ekki kröftum í ósamlyndi og illindi.
Þá munu hæfileikar þeir, sem svo mjög hafa búið með hinni íslensku þjóð, en oftast niður bælst, ná að koma fram og þroskast. Íslensk forusta mun þá ná þeim krafti, sem þarf, og heimur allur fá að sjá hið sanna merki Íslands.
Í nánd við sjálft heimskautið er stór yfirmannkynsþjóð, sem fyrir löngu hefir komið á sambandi við íbúa annarra stjarna.
Ísland er tvímælalaust einstætt meðal landa heims.
Frá þessari dularfullu eyju í norðri streyma lífsegulmagnaðir kraftar sem hafa áhrif um heim allan. Þjóðin sem byggir þetta afskekkta land er auk þess búin meiri andlegum gervileik en aðrar þjóðir.
Fræðari minn hefur kunngert mér að þessi fámenna þjóð muni gegna mikilvægu hlutverki í komandi viðburðum mannkynsins. Hvert þetta sögulega hlutverk er veit ég hins vegar ekki.
Þjóðin sem hefur hæstan meðalaldur þegnanna verður í forystu þeirra sem starfa í þágu hinnar nýju aldar.
Arfur okkar er ríkur og ber okkur skylda til þess að varðveita hann af skynsemi. Og vissulega væri það stórkostlegt, ef ættland okkar gæti orðið vitsmunaríki, uppeldisstaður mikilmenna og miðstöð andlegrar orku.
En hvernig megum við vinna að undirbúningi svo stórkostlegrar framtíðar? Ég hygg, að einfaldast væri að byrja á sjálfum sér.
Byrja á því að hreinsa til í eigin hugskoti; að gera sjálfan sig að skárri manni. Mannkynið er ekkert annað en samsafn einstaklinga og allar andlegar framfarir þess hljóta að hefjast í brjósti einstaklingsins.
Ef við í raun og veru viljum leggja eitthvað af mörkum til andlegrar framtíðar föðurlandsins, skulum við því byrja á sjálfum okkur. Við munum komast að raun um, að það er hverjum manni fullkomið dagsverk.
Íslendingar hafna hernaðarstefnu Bandaríkjamanna. Herlög sett á Íslandi. Lífskjörum hrakar
Þegar æðsti valdamaður Bandaríkjanna
hvetur til stríðs mun Eyja samhæfingarinnar
fyrirlíta hann. Eftir ár velfarnaðar
verður kvíðvænlegt ástand þegar
einræði breytir búsæld eyjarinnar.
Banvænt úrfelli frá Norðurpólnum. Geimskip yfir norðurhveli. Stjórnskipan landsins breytt
Mikið hallæri verður vegna banvænnar bylgju
sem kemur með úrhellisrigningu frá
Norðurpólnum. Á sama tíma verður geimskip
400 kílómetra yfir norðurhveli. Þau lifa
án laga og verða laus við stjórnmálastefnur.
Reykjavík verður fyrir barðinu á banvænni vindhviðu 21.-22. desember og að vori
Hin merka sjávarborg í Atlantshafi,
sem er í umhverfi flóa og silfurbergs,
verður á vetrarsólstöðum og um vorið
fyrir barðinu á ógnvekjandi vindhviðu.
Sakleysingjar verða fyrir bágindum. Íslendingum misboðið
Plágan mikla sem fellur á sjávarborgina
mun ekki sjatna fyrr en hefnt hefur verið
fyrir blóð hinna réttlátu. Þau verða dæmd
til gjalda fyrir glæp sem þau
hafa ekki drýgt. Með yfirborðsmennsku verður
hinu mæta lýðveldi gert rangt til.
Niðurlæging íslenska lýðveldisins skapar valdamikinn þjóðarleiðtoga
Eftir það kemur frá landi á hjara veraldar
germanskur leiðtogi til æðstu valda.
[Það verður þegar] ánauðinni er mætt
með byltingu. Lýðveldið verður við lýði
[en] vekur ekki lengur aðdáun.
Þjóðskörungur fæðist á Íslandi. Alþingi sett á Þingvöllum. Styrjöld í Austurlöndum
Þar sem þrjú höf liggja að landi fæðist sá
sem gerir Þórsdag að hátíðisdegi. Frægð hans,
völd og vegsauki mun vaxa þegar Asía
riðlast vegna styrjaldar á sjó og landi.
Nýskipan Íslendingsins vekur heimsathygli
Jörðin og loftslagið frýs hið mikla [stöðu]vatn
þegar þau koma saman til þess
að vegsama Þórsdag. Aldrei hefur verið til
neitt jafnréttlátt. Úr fjórum áttum koma
þau til að votta honum virðingu sína.
Þjóðarleiðtogi nær völdum vegna styrjaldar eða eldsumbrota
Það sem faðirinn þekkti ekki á æviskeiði sínu
öðlast hann fyrir tilstilli stríðs eða elds.
Hann berst mót andlausri byltingu
eða nýtur góðs af eigindum föður síns.
Vegna náðar hins eilífa Guðs nær hann
skjótt völdum.
Stjórnskörungur af alþýðufólki stýrir fyrirmyndarríki
Sá sem fæðist í skugganum á myrkum degi
vex að stjórnvisku og góðvild.
Hann kemur því til leiðar
að blóð hans rís á ný í fornu skapkeri.
Hann hefur nýja gullöld
er kemur í stað [aldar] málmblendis.
Valdamaður rekur útlendinga úr landi.
Afturhvarf til frumkristni
[Hjá þjóð] sem rekur kyn sitt til Tróju,
fæðist einn með germanskt hjarta.
Hann verður svo valdamikill að hann hrekur
erlenda araba burt og kemur kirkjunni að
Í Heimskringlu og Eddu Snorra Sturlusonar kemur
fram að Íslendingar röktu ættir sínar til
Tróju á Tyrklandi. Ættartala Ara
fróða aftan við Íslendingabók hefst svo:
,,Fyrstur Yngvi Tyrkjakonungr.
Annar Njörður Svíakonungr. Þriði Freyr. Fjórði Fjölnir, sá er dó að Frið-Fróða."
Í Snorra-Eddu segir frá því að ættfaðirinn, Yngvi, hafi verið sonur Óðins og orðið konungur í Svíþjóð eftir hann. Þegar Óðinn kom til Svíþjóðar ,,skipaði hann þar höfðingjum og í þá líkingu sem verið hafði í Trjóu, setti tólf höfuðmenn í staðnum að dæma landslög, og svo skipaði hann réttum öllum sem fyrr hafði verið í Trjóu og Tyrkir voru vanir."
Um Trjóu segir einnig í Eddu: ,,Nær miðri veröldinni var gjört það hús og herbergi er ágætast hefur verið, er kallað er Trjóa, þar sem vér köllum Tyrkland. Þessi staður var miklu meiri gjör en aðrir og með meiri hagleik á marga lund með kostnaði og föngum er þar voru til. Þar voru tólf konungdómar og einn yfirkonungur, og lágu mörg þjóðlönd til hvers konungdóms."
Stjórnarbylting leiðir af sér breytingar til hins betra
Breytingin verður mjög erfið en borgin
og landið hagnast á henni. Hinn skynsami
nær völdum og hinn óverðugi verður
hrakinn brott. Stjórnkerfi þjóðarinnar,
til lands og sjávar mun breytast.
Friðarhöfðingi eflir hugsjónir
Það sem hvorki byltingar né hernaður gátu
áorkað verður hrundið í framkvæmd
með fáguðu tali á þingi. Þessi konungur mun
[örva] hugsjónir í rósemd og hugleiðingu.
Óvinir hans hallast meir að eldi og hernaði.
Leiðtoga andlegrar hreyfingar sýnt banatilræði
Þeir sem hafa tekið að sér að grafa undan ríki,
sem á enga hliðstæðu og er í senn bæði voldugt
og ósýnilegt, munu láta til skara skríða
þremur nóttum áður en gætt hefur verið varúðar.
Það verður þegar hinn mikilfenglegi
Andlegur leiðtogi aflar sér óvildar kirkjuyfirvalda
Sá sem verður ábyrgur fyrir að ónýta
[boðskap] kirkna og trúarbragða, sem
afbakast hafa vegna hugaróra, mun
skaða steinrunnar [kreddur] fremur en
hinna lifandi. Með fáguðum umræðum
Kaþólska kirkjan verður fyrir álitstjóni vegna beinskeyttrar gagnrýni
Ó, víðfeðma Róm, hrun yðar nálgast.
Ekki veggja yðar, heldur fjörgafa
og [hugmyndafræðilegs] innihalds.
Sá sem stýrir hvössum penna
veldur ægilegum árásum.
[Skrif hans eru] sem oddhvass rýtingur
Löggjafinn mikli
Fyrirmenn kirkjunnar munu lúta höfði
við komu hins mikla löggjafa. Hann upphefur
hina hógværu og refsar hinum mótþróafullu.
Ný heimssýn veldur umbrotum. Andlegri fjöldahreyfingu vex ásmegin
Hinn guðdómlegi boðskapur kemur eins og þruma
úr heiðskíru lofti fyrir þá sem komast ekki
lengur neitt áfram. Leyndardómur hvílir
innra með þeim, er verða fyrir vitrun.
Þau stefna fram á við og verða óstöðvandi.
Ágreiningur og metingur kristinna manna og múslíma. Messíasarhreyfing festir rætur
Kennisetningar kristindóms og múhameðstrúar
verða í sífelldu ósætti er þær eigna sér
forsögn spádómsins. Í hvorugu þeirra
verður hægt að botna. Lögmál Messíasar
komast af vegna kristninnar.
Heimsfriður og sameining
Hið mennska form, barn hins himneska,
mun í stjórnartíð sinni viðhalda friði
og sameiningu. Stríðið verður
hálfvegis haldið fangi og haft í búri.
Hann verður þess valdandi að þeir
varðveita friðinn í langan tíma.
Friður í fimmtíu og sjö ár. Tímabil velfarnaðar og almenns heilbrigðis
Veggir úr múrsteinum breytast í marmara.
Það verður friður í fimmtíu og sjö ár.
Glaðværð meðal manna; vatnsleiðslukerfið verður
endurnýjað. [Vegna] hreysti og allsnægta
Trúarbrögð hafsins. A og A
Trúarbrögðin sem bera nafn hafsins
verða yfirsterkari sértrúarhreyfingu
sonar ,,Adaluncatif". Hinn þvermóðskufulli,
hörmulegi söfnuður mun óttast tvo sem
verða fyrir áhrifum af A og A.
Ára mannsins. Ennisstöðin og fádæmi dulrænna hæfileika. Innihaldslaust trúarlíf
Himneskir líkamar sem eru óendanlega
sýnilegir fyrir augum, verða ógreinilegir
af þessum sökum. [Ára] líkamans, ásamt enni,
skilningarvitin og höfuðið verða
ósýnileg fyrirbæri. Það rýrir helgar bænir.
Hinn nýi vitringur. Samhæfing heilahvelanna
Í tunglskini í fyllingu nætur, hátt í fjöllunum,
mun hinn nýi vitringur sjá hann
með einum heila. Lærisveinar hans
hvetja hann til að verða ódauðlegur.
Augun í suðri, hendur á helgum minjum,
líkamar í eldi.
Andlegur leiðbeinandi nýtur óskoraðs valds
Hið guðdómlega orð mun gefa
[andlegum]eiginleika [mannsins],
á himni sem á jörðu, gull dulspekinnar
í yfirskilvitlegum gjörðum.
Líkaminn, sálin og andinn verða almáttug
Helgiathafnir breytast. Framhaldslíf og hugljómun
Hold án sálar verður ekki lengur fórnfært.
Litið verður á dauðann sem upphafs nýs lífs.
Hinn guðdómlegi andi gerir sálina sæla
þegar hún upplifir orðið í eilífð sinni.
Hin nýja heimsskipan. Styrjaldir og deilur líða undir lok
Það verður friður, sameining og [djúpstæð]
breyting. Þeir sem lítið höfðu af eignum
og embættum fá mikið og þeir sem höfðu mikið
fá mjög lítið. Eftir erfiðar fæðingarhríðir
fæðist nýskipanin. Styrjaldir líða undir lok,
2066
Í fimm hundruð ár verður sá sem var sómi
síns tíma lítils metinn, en þá verður
skyndileg opinberun, sem stuðlar
að velþóknun þeirra sem lifa á þeirri öld.